يعني إيه Copywriting وإزاي تبقى كوبي رايتر | وليد طه

يعني إيه Copywriting؟ وإزاي تبقى Copywriter؟ من حوالي 6 سنين، كنت بكلم صحفي أعرفه وبقوله أنا عايز أسيب الصحافة وأدخل الـ PR وياريت لو اتعلم Copywriting، فسألني يعني إيه Copywriting؟ (وهو ميعرفش أصلاً) فرديت عليه بكل براءة "إزاي أكتب إعلان" أو Piece تبيع منتج. وهو ده فعلا الـ Core بتاع الـ Copywriting: الكتابة للبيع، سواء كانت الـ Story دي Email أو بوست على السوشيال ميديا أو سكريبت لفيديو أو أي شكل ميديا تاني! طيب هو الـCopywriting محتاج لغة قوية؟ لأ... مش محتاج، لكنه محتاج "ثقافة" قوية وقراية كتير وزي ما تقول كده فهم جيد جدا للي بتكلمه يعني فهم كويس قوي للمجتمع والشريحة اللي بتوجهلها الكلام. والثقافة هنا مش بمعناها المعروف بس، لكن القصد ثقافة المجتمع وإفيهاته وكلامه العام وتوجهاته الحالية. طيب ولو هتكتنب بالإنجليزي؟ لازم تعرف إن معرفتك بالـ Slang أهم من أي حاجة، لازم تتفرج وتسمع وتقرا كل حاجة خاصة بثقافة البلد اللي بتكتبلها فمثلا جملة/idiom زي Up to eleven مش هتفهمه لو متفرجتش على فيلم This Is Spinal Tap واللي بسببه Up to eleven بقت للتعبير عن "جاب بعد الأخر بشوية"! وزي ماقولت محتاج تقرأ كتب، تاخد كورسات، وتكتب. الـ Copywriting اتجاه واحد وموجه وهدفه دفع اللي بيقراه أو بيتفرج عليه للشراء، لذلك بيبقى فيها CTA زي "أحصل على هذا العرض الآن" مثلا أو "متفوتش الفرصة واحصل على أكبر مجموعة من ××××". الـ Copywriter لازم يكتب بطريقة تخلي اللي بيقرا أو بيتفرج، "يقرا السطر اللي بعده" ويبقى عايز يعرف أكتر، يعني لازم الـ Piece تكون Engaging و Fun وتلقائية وبتخاطب احتياج اللي بيقراها. https://www.linkedin.com/learning/learning-to-write-marketing-copy/what-is-copywriting ومهم جدا! تتعلم Marketing أونلاين وأوفلاين! اكتب كتير وكل يوم وباستمرار. ترشيحاتي للكتب: - Influence: The Psychology of Persuasion - The Wizard of Ads: Turning Words into Magic and Dreamers into Millionaires - Breakthrough Advertising - Predictably Irrational - Save the Cat! ولو عايز تبدأ بكورس، فيه كورس كويس على Udemy اسمه: Copywriting Quick Start: Top FREE Writing Tools & Hacks https://www.udemy.com/course/copywritingquickstart/ وكورسين على Linkedin Learning - Learning to Write Marketing Copy - Writing Ad Copy https://www.linkedin.com/learning/writing-ad-copy/welcome وما تنسوش تتابعوا قناة @H-H عامل سلسلة عن تظبيط الصوت على Adobe Audition جامدة قوي!