عشان تبقى بي اع ناجح محتاج موهبة ولا تدريب

الشطارة في البيع موهبة كده من عند ربنا؟؟ ولا حاجة أجتهاد وتعب ومذاكرة؟ أنا محمد رزق استشاري المبيعات والتسويق... وأنت بتتفرج على البيّاع. لسنين طويلة بنسمع أن مهارة البيع دي موهبة وأن البيّاع لازم يبقى عنده شخصية معينة عشان يعرف يبيع أي حاجة ! • البيّاع الشاطر لازم يقبل النقض والرفض ، وما يخدش الموضوع بحساسية ولا بشكل شخصي. • البيّاع الشاطر مستمع شاطر، اسمع العميل كويس ماتقاطعوش. • بيتعامل مع العملاء على أنهم دروس، بيتعلّم منهم قبل ما يبيع لهم، وعشان هو في الأصل بيتقبل الرفض فأكيد هيعرف يتقبل النقد ويتعلّم منه. • حركي ونشيط، وطبعاً بيعرف يتواصل كويس، مش بس يتكلم كويس. لا، الكلام غير التواصل. ما أنت ممكن تقول كلام زي الفل.. بس وشك ونبرة صوتك بيقول عكس كده :D بس خد بالك لو أنت عندك كل الصفات اللي تأهلّك أنك تبقى بيّاع شاطر مش هتعرف تبيع لو مش دارس السوق صح، وعارف طبيعة العملاء اللي هتتعامل معاهم. ولو استفدت متنساش تشارك الفيديو وتدعمنا