شرح ١٥ سبب تؤدي لعدم ظهور اعلانات الفيسبوك | تعلم طريقة التغلب على مشاكل عدم الظهور أو الأداء الضعيف

اتعلم الأسباب اللي بتخلي اعلاناتك على الفيسبوك متوصلش للناس أو تعمل أداء ضعيف :سكريبت الحلقة أكتر حاجة ممكن تجننك انك تعمل اعلان على الفيسبوك و تفضل وقت كبير بتبني ال campaign و فجأة تلاقي ال campaign مش شغالة خالص أو بتعمل نتايج ضعيفة وقتها بتبقى مش عارف تعمل ايه.. تتحسر على الوقت اللي ضاع و انت بتظبط ال settings و ال targeting ولا تفقد أعصابك وتتنرفز لأنك متأكد انك عامل كل حاجة صح و مش فاهم الغلط فين. لو حسيت بالاحساس ده قبل كدة اتفرج على الفيديو ده للآخر.. هقولكم على 15 سبب مختلف يخلي الاعلانات بتاعتك متشتغلش او تشتغل بأداء ضعيف و أكيد هقولكم على حل لكل مشكلة. أعزائي المشاهدين و المشاهدات أهلا بيكم في سادس حلقة من برنامج Digital Gossips قبل ما نبدأ لو سمحت اتأكد انك عامل subscribe و Activate ال notifications علشان توصلك كل الحلقات الجاية. في الفترة الأخيرة لاحظت ناس كتير أوي على جروبات الفيسبوك المتخصصة في ال digital marketing بتسأل على الأسباب اللي مخلية الحملات بتاعتهم مش شغالة و لاحظت ان معظم الناس اللي بترد عليهم من غير أي تفكير يقولوهم المشكلة ان عندك Ad Fatigue. بس بعد لما بركز في ال post بتاع الشخص اللي عنده المشكلة ببقى شبه متأكد انه معندوش مشكلة Ad Fatigue. الحقيقة هو فعلا ال ad fatigue من الأسباب المؤدية ان الحملة بتاعتك متوصلش للنتايج اللي انت منتظرها بس لازم تكون عارف انها سبب واحد من ٢٠ سبب مختلف ممكن يسببوا المشاكل اللي بتوجهها. خلينا نبدأ نشوف ايه هم ال ٢٠ سبب و حل كل مشكلة فيهم. ١) بما اننا جبنا سيرة ال Ad Fatigue خلينا نبدأ بيه. بمنتها البساطة ال ad fatigue بيحصل لما الاعلان بتاعك يبتدى يقدم و ويطلع كتير للناس اللي شافته فعلا اكتر من مرة و ساعتها ال frequency بتاعة الاعلان تزيد جدا و النتيجة الحتمية ان الناس بتبتدي متتفاعل مع الاعلان بتاعك و تفقد الاهتمام بيه و تفضل الحملة بتاعتك مش بتجيب نتايج. الحل علشان تخرج من مشكلة. ال ad fatigue هي انك تعمل شوية تعديلات جذرية في شكل الاعلان بتاعك زي مثلا انك تستخدم صور جديدة. تعمل offer مختلف أو حتى تستهدف شريحة مختلفة من الناس. ٢) تاني سبب يخلي اعلانك ميحققش نتايج هو انه ببساطة يترفض من ال Facebook و ياخد status not approved ولأنك خالفت شروط و سياسات الفيسبوك. أشهر ٣ أسباب للرفض هم:١) نسبة الtext أو الكلام اللي مكتوب على الصورة المفروض متعديش ٢٠٪ يعني لو عندك اعلان بالشكل ده و رسمنا عليه grid من ٢٥ مربع المفرض الكلام مساحته متعديش ال ٥مربعات بس. لو مش هتعرف تعمل موضوع ال grid ده في حاجة اسمها text overlay tool بتعمل upload للصورة فيها و هي بتقولك اذا كان الاعلان بتاعك معدي ال ٢٠٪ ٢) ممكن كمان الاعلان بتاعك ميتقبلش لأنك بتعلن عن منتج مش مسموح انك تعلن عنه اصلا زي مثلا منتجات التدخين أو الأسلحة ٣) أو ان الاعلان بتاعك بيعمل ادعائات مضللة زي هتبقى غني في أسبوع لو شفت الفيديو ده أو زي ما قولتلك في الحلقة قبل اللي فاتت و احنا بنبني الاستهداف لأدوية التخسيس و قولتلك ان صور ال before & after عادة بتترفض. نصيحة أفتح سياسات الفيسبوك و أقراء عن المشاكل دي لأنها كتيرة و بنسبة كبيره هتقع فيها. الحل في الحالات دي هو ان لو الاعلان بتاعك بينتهك سياسات الفيسبوك هو انك تعدل الاعلان و تتلافى المشكلة في اعلان جديد او لو انت متأكد ان مافيش مشكله في اعلانك انك تطلب ان الفيسبوك يعيد النظر و يراجع الاعلان بتاعك تاني و لو فعلا مافهوش مشاكل هيشغلولك الاعلان. ٣) تالت مشكلة ممكن تقع فيها هي ان الاعلان بتاعك يفضل لفترة كبيرة pending for approval .. لو متأكد انك مش بتخالف سياسات الفيسبوك الحل بسيط جدا.. امسح الاعلان و اعمله من جديد لأن ساعات بيحصل errors هبله جدا في أي system تخليه ميشتغلش بالشكل المظبوط و دي حاجة طبيعية جدا زي لما موبايلك بيهنج مثلا. ٤) رابع مشكلة هي ان في بعض الوقت البيانات اللي بتبقى طالعالك في ال ad manager مش متحدثه فمثلا يبقى الاعلان بتاعك ظهر ١٠٠٠ مرة بس ال dashboard بتقولك انه ظهر ١٠٠مرة بس .. المشكلة اسمها data lag و هي بتحصل كتير على فكرة. علشان تحل المشكلة دي ممكن تعمل ٣ حاجات.. زي انك تهدى على نفسك شوية و بعد فترة بسيطة هتلاقي الأرقام اتعدلت أو لو انت متوتر ممكن تقعد تعمل refresh من ال dashboard أو تعمل log out و بعد كدة تفتح تاني و بنسبة كبيرة الدنيا هتظبط. ٥) خامس مشكلة هي ان الفيسبوك ميعرفش يسحب فلوس فاتورة من فواتيره منك مثلا لأن ال visa card مش شغاله أو مافيهاش فلوس و طبعا الحل انك تحل مشكلة الفيزا دي أو تستخدم وسيلة دفع تانية. ده الشكل البسيط للمشكلة.. في بقى مشكلة تانية ليها علاقة بالدفع انا عن نفسي عانيت فيها أكتر من أسبوعين كاملين قبل ما اكتشف السبب. المشكلة ان لو جايلك عميل جديد لسه